19 may. 2015

Conceyu de refundación


La inactividá dientro'l CNL vinía siendo yá casi que patolóxica y dalgunes persones interesaes en caltener tol trabayu fechu aconceyáronse la mañana del pasáu 10 de mayu nel llocal d'Escuelactiva, n'Uviéu, con motivu de saber qué faer col xuegu'l liriu.

Presentáronse dos propuestes:
  • Creyar, dende cero, una asociación pa sofitar la organización d'eventos con una cadarma estatutaria.
  • Trespasar la estructura del Club Básicu Deportivu Espor d'Asturies (Espor[a]), camudando nome, see y direutiva, y adautándolu a les necesidaes particulares del CNL.
Les presentes na reunión escoyeron la segunda opción como la más ventayosa, falando d'incluyir nos estatutos un reglamentu pa socios y pa la competición.

Estudióse la posibilidá del ingresu d'otros clubes y agrupaciones dientro'l CNL establecíu como club y, gracies a la consulta a otros clubes, decatóse de la posibilidá d'amestar clubes elementales al CNL, faciendo socies a les sos miembros.

Por último, decidióse entamaruna nueve asamblea ente aquelles persones que tuvieren interesaes. Primero, informándo-yos de lo asocedío vía virtual; dempués, aconceyando'l prósimu sábadu 23 de mayu, a partir de les 17 hores, nel Colexu Públicu Santa Eulalia de Pravia, aprovechando l'eventu que va entamar colos escolinos y interesaos.

Tamos interesaos nel to sofitu. Asina que, cualaquier dulda, suxerencia o propuesta, sedrá bienllegada. Dexá-ynosla nun comentariu.

0 comentarios:

Publicar un comentario